Turan Bank ASC 2025-ci ilin yekunlarına görə 1,223 milyon manat xalis mənfəət əldə edib.
Ötən il Bankın gəlirləri 126,657 milyon manat təşkil edib ki, bu da əvvəlki illə müqayisədə 14,4 % artım deməkdir. Xərclər 99,187 milyon manat olub (14,9 % artım). Xüsusi ehtiyatlara ayırmalar isə 26,246 milyon manat təşkil edib və bu göstərici illik müqayisədə 20,1 % artıb. Hesabat dövründə Bank mənfəət vergisi ödəməyib.
2026-cı il yanvarın 1-nə Turan Bankın aktivləri 907,176 milyon manata çatıb ki, bu da illik müqayisədə 6,7 % artım deməkdir. Aktivlərin 674,846 milyon manatı müştərilərə verilmiş xalis kreditlərin payına düşür. Son bir ildə Bankın kredit portfeli 9,3 % genişlənib.
Hesabat dövründə Bankın öhdəlikləri 7,3 % artaraq 803,69 milyon manat təşkil edib. Depozit portfeli 1,5 % artaraq 468,532 milyon manat, balans kapitalı isə 2,8 % artaraq 104,806 milyon manata yüksəlib.
Qeyd edək ki, Turan Bank 1992-ci ildə yaradılıb. Bankın nizamnamə kapitalı 100,006 milyon manatdır. Səhmlərin 42,9 %-i 8 hüquqi şəxsə, 57,1 %-i isə 20 fiziki şəxsə məxsusdur.
