Türkiyənin ən böyük holdinqlərindən olan “Koç Holding” 2022-ci ilin birinci rübü üzrə maliyyə göstəricilərini açıqlayıb. Göstəricilərə görə, “Koç Holding” sözügedən rübdə ekpertlərin proqnozlarını da üstələyərək 6 milyard 714 milyon lirə həcmində xalis mənfəət əldə edib. Keçən ilin birinci rübündə 2 milyard 114 milyon lirə mənfəət əldə edən holdinq bir il ərzində mənfəətini 218% artırıb.
Şirkətin son bir ildə mənfəətinin böyük hissəsini (2 milyard 647 milyon lirə) maliyyə sektorundan, avtomobil sənayesindən (940 milyon lirə) və energetika sektorundan (858 milyon lirə) əldə edib.
Qeyd edək ki, nüfuzlu Koç ailəsinin rəhbərliyi altında fəaliyyət göstərən holdinq 1963-cü ildə Vehbi Koç tərəfindən təsis edilib və hazırki bazar kapitalizasiyası 107.5 milyard dollar civarındadır.