10 
Unibank KB ASC-də yeni kadr təyinatı həyata keçirilib. Bankdan verilən məlumata görə, Qafar Müzəffərov Əməliyyat sistemlərinin idarə olunması şöbəsinin müdiri vəzifəsinə təyin edilib.
Qafar Müzəffərov 7 oktyabr 2025-ci il tarixindən etibarən yeni vəzifəsini icra edir. O, bundan əvvəl həmin şöbədə ekspert vəzifəsində çalışıb.
Qafar Müzəffərov 16 may 2021-ci ildən Unibank komandasına qoşulub. Bank sektoruna gəlməzdən əvvəl “STA-İnfo” İnformasiya Agentliyi, “Telekom Qrup” MMC və “L-SİM” MMC-də fəaliyyət göstərib.
O, ali təhsilini Azərbaycan Dövlət İqtisad Universitetində “Əmtəəşünaslıq” ixtisası üzrə alıb.
