Unibank KB rəhbərliyinin qərarı ilə İlkin Quliyev Baş biznes inzibatçısı vəzifəsinə təyin olunub. O, bu təyinatadək Accessbank QSC-də İdarə Heyətinin üzvü və Korporativ və pərakəndə bankçılıq üzrə icraçı direktor vəzifəsində çalışıb.
İlkin Quliyev bankçılıq sektorunda 15 ilə yaxın təcrübəyə malikdir. Bank sahəsində fəaliyyətə “Unibank”dan başlayıb. Uzun illər bankda müxtəlif vəzifələrdə çalışıb.
İlkin Quliyev Azərbaycan Dövlət İqtisad Universitetində (UNEC) “İqtisadiyyatın idarə olunması” üzrə bakalavr, İngiltərənin Nyukasl Biznes Universitetində “Bank və Maliyyə” üzrə magistr təhsili alıb.