0 
2025-ci ildə İqtisadiyyat Nazirliyi yanında Dövlət Vergi Xidmətinin xətti ilə dövlət büdcəsinə 16 milyard 353,5 milyon manat vəsait daxil olub.
Bu barədə Dövlət Vergi Xidməti məlumat yayıb. Bildirilib ki, vergi daxilolmaları 2024-cü illə müqayisədə 3,5 %, proqnozla müqayisədə isə 5,5 % çox olub.
Məlumata görə, ötən il vergi daxilolmalarının 12 milyard 6 milyon manatı qeyri-neft-qaz sektorunun payına düşüb. Bu göstərici əvvəlki ilə nisbətən 8,9 %, proqnozla müqayisədə isə 2,9 % artım deməkdir.
Xatırladaq ki, 2025-ci il üzrə Dövlət Vergi Xidmətinin dövlət büdcəsinə köçürməli olduğu vəsaitin həcmi 15,5 milyard manat proqnozlaşdırılmışdı.
