Windows 10 üçün son tarix paylaşıldı

Microsoft 2015-ci ildə təqdim etdiyi əməliyyat sistemi ilə rəsmi şəkildə vidalaşır. Çıxdığı gündən sürətlə mənimsənilən və bəyənilən əməliyyat sistemi, düz 1 ildən sonra istifadəçilərlə vidalaşacaq və yeniləmələr almayacaq.

BBN.az Microsoft-dan verilən açıqlamaya istinadən xəbər verir ki, 2025-ci il oktyabrın 14-də Windows 10 əməliyyat sisteminə dəstəyini rəsmi olaraq dayandırmağı planlaşdırır. Bu nöqtədə, 22H2 Windows 10 üçün son buraxılmış versiya olacaq və daha heç bir yeniləmə təklif edilməyəcək. Qeyd edək ki, aylıq yeniləmələr son tarixə qədər davam edəcək.

Windows 10-un təqaüdə çıxması ilə Windows 11-i əsas əməliyyat sistemi etməyi planlayır. Windows 10 dünyada ən çox istifadə edilən əməliyyat sistemlərindən biridir.Son statistikalar göstərir ki, Windows 10 bazar payının 64,99%-nə sahibdir.