Yaponiyanın Azərbaycandaki səfiri KOBİA-da olub

Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov və Yaponiyanın ölkəmizdəki fövqəladə və səlahiyyətli səfiri Cuniçi Vada arasında görüş keçirilib.

Görüşdə KOBİA-nın fəaliyyəti və KOB-lara göstərilən dəstək mexanizmləri barədə məlumat verilib, əməkdaşlıq imkanlarına, o cümlədən iki ölkənin KOB-ları arasında ticarət əlaqələrinin genişləndirilməsinə, birgə layihələrin reallaşdırılmasına və bu prosesdə KOBİA-nın dəstəyinə, qarşılıqlı olaraq potensial investisiya layihələrinin mübadiləsinə, Yaponiyanın müvafiq qurumları ilə əlaqələrin qurulmasına dair fikir mübadiləsi aparılıb. 

Yaponiyanın ölkəmizdəki fövqəladə və səlahiyyətli səfiri Cuniçi Vada KOB sahəsində Yaponiyanın müvafiq qurumları ilə KOBİA arasında əlaqələrin qurulmasına və mövcud əlaqələrin genişləndirilməsinə dəstək göstəriləcəyini bildirib.