2022-ci ildə Avropanın texnologiya firmaları 400 milyard dollardan çox itirib

0

Avropanın dövlət və özəl texnologiya şirkətlərinin ümumi dəyəri 2021-ci ildəki 3.1 trilyon dollardan 2.7 trilyon dollara düşüb. İl ərzində itki isə 400 milyard dollardan çox hesablanıb.

BBN.az CNBC Business-ə istinadən xəbər verir ki bu haqda çərşənbə axşamı vençur kapital firması Atomico özünün illik “Avropanın texnologiyasının vəziyyəti” adlı hesabatında qeyd edib.

Atomico-nun müvafiq hesabatı və 41 ölkədə apardığı sorğuya, əsasən cari ildə, ümumilikdə Avropa startaplarının vençur kapital fondunun 85 milyard dollar enəcəyi gözlənilir.

Atomico-da partnyor olan Tom Wehmeier isə CNBC-yə açıqlamasında deyib ki, bu il çox çətin il olub, Ukraynada müharibə, bütün dünyada inflyasiya, faiz dərəcələrinin artımı, geosiyasi qəzəb və s. müşahidə edilib: “Bu isə qlobal maliyyə böhranından bu yana ən çətin makroiqtisadi mühit olub”.