2026-cı ilin yanvar ayında dövlət büdcəsinin icrasında müsbət dinamika müşahidə olunub.
BBN.az xəbər verir ki, Maliyyə Nazirliyinin məlumatına görə, hesabat dövründə xəzinədarlıq orqanları tərəfindən 37 mindən çox ödəniş tapşırığı icra edilib.
Cari ilin yanvar ayında dövlət büdcəsinin gəlirləri 3 707,3 milyon manat təşkil edib ki, bu da aylıq proqnozu 32,0 milyon manat və ya 0,9% üstələyib.
Gəlirlərin icrası
Dövlət büdcəsinin gəlirlərində:
-
İqtisadiyyat Nazirliyi yanında Dövlət Vergi Xidmətinin xətti ilə daxilolmalar 2 050,3 milyon manat təşkil edərək proqnozdan 50,3 milyon manat və ya 2,5% çox olub;
-
Dövlət Gömrük Komitəsi üzrə daxilolmalar 487,0 milyon manat təşkil edərək proqnozu 2,0 milyon manat və ya 0,4% üstələyib;
-
İqtisadiyyat Nazirliyi yanında Əmlak Məsələləri Dövlət Xidməti üzrə daxilolmalar 4,9 milyon manat təşkil edərək proqnozdan 0,2 milyon manat və ya 4,4% çox icra olunub;
-
Sair daxilolmalar 31,0 milyon manat təşkil edərək proqnozdan 3,1 milyon manat və ya 11,2% artıq olub;
-
Dövlət Neft Fondundan transfert 1 070,0 milyon manat təşkil edərək proqnoza qarşı 100% icra edilib.
Eyni zamanda, dövlət büdcəsindən maliyyələşən təşkilatların ödənişli xidmətlərindən daxilolmalar 64,1 milyon manat olub ki, bu da proqnoza qarşı 73,1% icra deməkdir.
Xərclər və icmal büdcə
Yanvar ayında dövlət büdcəsinin xərcləri 1 500,0 milyon manat proqnoza qarşı 1 437,6 milyon manat məbləğində icra edilib ki, bu da 95,8% təşkil edir.
2026-cı ilin yanvar ayı ərzində icmal büdcənin gəlirləri 4 411,9 milyon manat, xərcləri isə 1 717,5 milyon manat olub.
