“Walmart” yeni “fintech” startapı yaratmağı planlaşdırıb

ABŞ mərkəzli pərakəndə satış sektorunun nəhəng korporasiyalarından olan “Walmart Inc” maliyyə texnologiyaları sahəsində fəaliyyət göstərən startap yaratmaq fikrindədir. Belə bir addımın atılmasında əsas səbəb kimi, şirkətin bazarda ən böyük rəqibi olan “Amazon” ilə texnologiya sahəsində rəqabətini gücləndirməyi planlaşdırması göstərilib.

“Robinhood Markets” şirkətinin investoru olaraq tanınan “Ribbit Capital” ilə əməkdaşlıq çərçivəsində yaradılması planlaşdırılan bu startapın “Walmart”ın milyonlarla müştərisinə mobil ödəniş imkanı tanıması, eləcə də mobil tətbiqetmə vasitəsilə bank hesablarının idarə edilməsi imkanını tanıması gözlənilir. Bununla belə, sözügedən şirkət üçün bankçılıq lisenziyasına müraciət edilməyəci açıqlanıb.

“Walmart” tərəfindən adı açıqlanmayan bu şirkətə rəhbər olaraq “Goldman Sachs Group”un keçmiş senior menecerləri Ömər İsmayıl və David Stark təyin olunacaq.