0 
Biznes kreditlərində kənd təsərrüfatı sahəsinə verilən kreditlərin həcmi əvvəlki illərə nisbətən artaraq 2022-ci ilin sonuna 22,5 %-ə çatıb.
Bunu Azərbaycan Mərkəzi Bankının (AMB) Baş direktoru Toğrul Əliyev Bakıda keçirilən II Aqrobiznes Forumunda çıxışı zamanı deyib.
Onun sözlərinə görə, ümumilikdə aqrar sektora verilən biznes kreditlərinin 1/3-i dövlətin, 2/3-i isə bankların öz vəsaitinin hesabına reallaşıb.
T. Əliyev əlavə olaraq qeyd edib ki, ötən il ərzində bankların ümumi kredit portfeli 17,6 % artıb və 19,6 milyard manata çatıb: “Bu portfeldə biznes kreditləri 11 % artaraq 55,4 %-ə çatıb. Hazırda bu portfelin həcmi 11 milyard manat təşkil edir”.
Report
