“Brent” markalı neftin qiyməti 2022-ci il noyabrın 16-dan bəri ilk dəfə 94 dolları ötüb

Londonun ICE birjasında “Brent” markalı neftin noyabr fyuçerslərinin qiyməti ötən il noyabrın 16-dan bəri ilk dəfə olaraq 94 dollar/bareldən yuxarı qalxıb.

BBN.az xəbər verir ki, bu barədə hərrac məlumatlarında əks olunub.

Bakı vaxtı ilə saat 00:13-ə olan birja verilənlərinə əsasən, “Brent” markalı neftin qiyməti 2,05 % artaraq 1 barelə görə 94,08 dollar təşkil edib.

Saat 00:30-da “Brent” 94,05 dollara (+2,02%) satılıb. Eyni zamanda, oktyabr üçün WTI markalı neftin fyuçersləri 1,87% artaraq bir barel üçün 90,6 dollar təşkil edib.