![](https://bbn.az/wp-content/uploads/2024/12/bbn.az_Qatar-Airw_570x90px-002.jpg")
Azərbaycan Bank və Maliyyə Tədris Mərkəzi (ABFTC) tərəfindən “Bank əməkdaşları üçün “Sığorta Agenti” Attestasiyasına Hazırlıq Təlimləri” təşkil ediləcəkdir.
Yeddi moduldan ibarən olan təlim sığortaya giriş, avtonəqliyyat sığortası, daşınmaz əmlakın icbari sığortası, istehsalatda bədbəxt hadisələr, “Sığorta Faəliyyəti haqqında” Azərbaycan Respublikasının qanunu, icbari sığorta qanunvericiliyi və Mülki Məcəllədə sığorta ilə əlaqədar müvafiq hissələri əhatə edəcəkdir.
Qeyd edək ki, indiyə qədər ABFTC-nin bu təliminin iştirakçılarının hamısı müvafiq attestasiyadan uğurlu nəticə əldə etmişdirlər, yəni təlimin uğur nəticəsi 100%-dir.
Təlimin ümumi müddətinin 24 saat olması planlaşdırılır və iştirakçılara attestasiyadan uğurla keçmək üçün lazımi bütün bilikləri təmin edəcəkdir.
Cari ilin dekabr və 2025-ci ilin yanvar aylarında keçirilməsi planlaşdırılan təlimdə iştirak etmək istəyən bankların region filiallarında çalışan əməkdaşları üçün təlim onlayn şəkildə keçiriləcəkdir.
