“Apple” şirkətində uzun müddətdir gözlənilən rəhbərlik dəyişikliyi baş tutur. Şirkətin aparat təminatı bölməsinin rəhbəri Con Ternus Tim Kuku əvəz edərək baş direktor vəzifəsini icra edəcək.
BBN.az xəbər verir ki, 51 yaşlı Ternus “Apple”da təxminən 25 il ərzində çalışıb və Mac, iPad, AirPods və iPhone kimi əsas məhsulların hazırlanmasında iştirak edib.
Yeni baş direktorun qarşısında duran əsas məsələlərdən biri “Apple”ın süni intellekt sahəsində rəqiblərindən geri qalmasıdır. “Apple Intelligence”ın ilk versiyasının gözləntiləri tam qarşılamaması və Siri-nin süni intellekt imkanlarının gecikməsi şirkətin əsas problemləri sırasında göstərilir.
“Apple”ın ChatGPT ilə rəqabət aparması gözlənilən yeni Siri sistemini sentyabr ayında daha geniş təqdim edəcəyi bildirilir.
Ternusun rəhbərliyə keçidi şirkətin yeni məhsullar üzərində hazırlıqlarını sürətləndirdiyi dövrə təsadüf edir. Gözlənilən yeniliklər arasında ilk qatlana bilən iPhone və istifadəçini tanıyaraq məzmunu fərdiləşdirə bilən ağıllı ekranın olması gözlənilir.
Bundan əlavə, şirkətin ağıllı eynəklər, ev təhlükəsizlik sistemləri, evdə monitorinq üçün robot qol və kameralarla təchiz edilmiş yeni cihazlar üzərində işlədiyi qeyd olunur.
Tim Kuk baş direktor vəzifəsindən ayrılsa da, “Apple” ilə əməkdaşlığını davam etdirəcək. O, şirkətin İdarə Heyətinin sədri vəzifəsini qoruyacaq. Kuk həmçinin ABŞ prezidenti Donald Tramp və Çin hökuməti ilə münasibətlərin idarə olunmasında şirkət adından fəal rol oynamağa davam edəcək.
Qeyd edək ki, Tim Kuk 2011-ci ildə Stiv Cobsu əvəzləyərək “Apple”ın baş direktoru olmuşdu. Onun rəhbərliyi dövründə şirkətin gəlirləri təxminən
