0 
2026-cı ilin yanvar-iyul aylarında Azərbaycanda əhaliyə göstərilən ödənişli xidmətlərin dəyəri 9 milyard 178 milyon manat təşkil edib.
BBN.az xəbər verir ki, Dövlət Statistika Komitəsinin məlumatına görə, bu göstərici ötən ilin eyni dövrü ilə müqayisədə real ifadədə 7,5% artıb.
Hesabat dövründə hüquqi şəxslər tərəfindən əhaliyə 6 milyard 891,1 milyon manat dəyərində xidmət göstərilib. Bu, ümumi xidmətlərin 75,1%-ni təşkil edib.
Yanvar-iyul aylarında ölkə üzrə hər bir sakin orta hesabla 894 manatlıq ödənişli xidmətdən istifadə edib. Bu göstərici ötən ilin eyni dövrü ilə müqayisədə nominal ifadədə 105 manat çoxdur.
