Mənzillərin elektron çıxarışla təmin olunması davam etdirilir

Bakı şəhərində istismarına icazə verilən yeni çoxmənzilli binalardakı mənzillərin elektron çıxarışla təmin olunması davam etdirilir.

«Əmlakını qeydiyyata al və mülkiyyətinə sahib ol» kampaniyası çərçivəsində növbəti səyyar sənəd qəbulu avqustun 5-də Bakı şəhəri, Yasamal rayonu,Yeni Yasamal yaşayış massivi, İ.Talıblı küçəsi, 6 ünvanında, avqustun 7-də isə Bakı şəhəri, Yasamal rayonu, A.M.Şərifzadə küçəsi, 215 ünvanında keçiriləcək.

İyulun 24-dən bərpa olunan səyyar sənəd qəbulu prosesi çərçivəsində artıq dörd ünvanda, ümumilikdə 145 mənzilin sənədlərinin qəbulu aparılıb.