Home » ABB-nin baş sponsorluğu ilə İlin İş Adamı seçildi!

ABB-nin baş sponsorluğu ilə İlin İş Adamı seçildi!

by ulviyya
0 rəy 4 baxış 2 dəqiqə oxuma

Azərbaycanda artıq beş ildir keçirilən “EY İlin İş Adamı” müsabiqəsi başa çatıb. Martın 13-də Fairmont otelində təşkil edilmiş təntənəli mərasimdə qalib elan edilib. Müsabiqənin əsas qalibi “Baku Holiday Travel” şirkətinin rəhbəri Ramil Rzayev olub.

O, Azərbaycanı “Dünya Üzrə İlin İş Adamı” müsabiqəsinin beynəlxalq mərhələsində təmsil edəcək. Qalib biznes icmasının, beynəlxalq maliyyə qurumlarının nümayəndələri və tanınmış şirkət rəhbərlərindən ibarət müstəqil münsiflər heyəti tərəfindən 20 iştirakçı arasından seçilib.

Bundan başqa, Umut Agro şirkətinin rəhbəri Fərid Əkbərzadə “Təsərrüfatın inkişafı”, “Balkhoorma” şirkətinin rəhbəri Tariyel Mirzəyev “Regional inkişaf”, Alpha-Omega şirkətinin rəhbəri İnarə Mirzəzadə “Sahibkar qadın”, Push-30 şirkətinin rəhbəri Adil Qasımov “İnnovasiya”, Sustainera Solutions şirkətinin rəhbəri İlkin Hacıyev “Dayanıqlı inkişaf”, BAFT & Partners şirkətinin rəhbəri Vüsal Həsənov “Ətraf mühit həlləri”, VITAM şirkətinin rəhbəri Tehran Əliyev “Azərbaycan və hüdudlarından kənarda” nominasiyası üzrə qalib olub.

ABB-nin İdarə Heyətinin sədri Abbas İbrahimov müsabiqənin qala gecəsindəki çıxışında ABB-nin ardıcıl olaraq beşinci ildir ki, bu müsabiqəyə dəstək verdiyini diqqətə çatdırıb: “EY İlin İş Adamı” müsabiqəsi bizim üçün məxsusidir. Çünki bu müsabiqə sahibkarlarımızı dəstəkləyir. Yeni dəyərlər yaradan iş adamlarımızı cəmiyyətə tanıdır. Onları yeni nailiyyətlərə ruhlandırır. Sahibkarların inkişafı, yeni təcrübələri bizi də öz xidmətlərimizi daim yeniləməyə sövq edir. Çalışırıq ki, özümüzü davamlı şəkildə müasirləşdirək, iş adamlarımızın ehtiyaclarına uyğun həllər yaradaq. Qürur duyuruq ki, indiyə qədər hər zaman sahibkarların yanında olmuşuq və bundan sonra da iş adamlarımızın yanında olacağıq”.

EY şirkəti tərəfindən təsis edilmiş “EY İlin İş Adamı” müsabiqəsi 1986-cı ildən keçirilir. Hazırda 60-dan çox ölkədə təşkil olunur və dünyanın ən nüfuzlu işgüzar mükafatlarından sayılır. “EY İlin İş Adamı” proqramının məqsədi yüksək potensiala malik iş adamlarının uğurlarını nümayiş etdirməkdir. ABB ilə yanaşı, bp şirkəti və “Veysəloğlu” Şirkətlər Qrupu da müsabiqəyə sponsorluq dəstəyi göstərir. Proqramın partnyorları sırasında Ekvita konsaltinq şirkəti, Azpromo (Azərbaycanın İxracın və İnvestisiyaların Təşviqi Agentliyi) da var.

ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, https://abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.

Oxşar xəbərlər

Rəy bildir

Şirkət

Abunə ol

2023 – Bütün hüquqlar qorunur. BBN

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul et Ətraflı

-
00:00
00:00
Update Required Flash plugin
-
00:00
00:00

Adblock Aşkarlandı

Zəhmət olmasa vebsaytımız üçün brauzerinizdən AdBlocker uzantısını söndürməklə bizə dəstək olun.