ABŞ neft platformalarının sayını 292-yə çatdırıb

ABŞ koronavirus pandemiyası səbəbindən neftə olan tələbatın azalması ilə neft və qaz yataqlarında fəaliyyət göstərən platformalarının sayını 374-ə qədər azaldıb. Bu isə, say baxımından ABŞ tarixində 1975-ci ildən bu yana qeydə alınan ən aşağı göstəricidir. Ötən ilin müvafiq dövrü ilə müqayisədə platformaların sayı 614 azalıb.

Təkcə bu həftə fəaliyyətini dayandıran 34 platformanın 33-ü neft platformasıdır. Bununla da, neft platformalarının sayı 292-yə geriləyib. Qeyd edək ki, mart ayının ortaları bu göstərici 683, ötən ilin may ayında isə 807 səviyyəsində olub. Ötən həftə neft platformalarının sayında ən kəskin azalma Texas (-28) ştatında qeydə alınıb.

Kanadada isə, ötən illə müqayisədə neft və qaz platformalarının sayı müvafiq olaraq 15 və 22 səviyyəsində geriləyib. Hazırda, Kanadada 7 neft və 19 qaz platforması faəliyyət göstərir.

© Materiallardan istifadə edərkən hiperlinklə istinad olunmalıdır