AccessBank gənc atletlərə dəstək oldu

18-19 avqust tarixlərində Almaniyanın Mannheim şəhərində Avropa Kəndirlə Mübarizə İdmanı Federasiyasının təşkilatçılığı ilə məktəblilər arasında beynəlxalq turnir keçirilib.

Turnirdə Almaniya, İngiltərə, İrlandiya, İsveç, İsveçrə, Şotlandiya və Belçikadan 500-dən çox atlet iştirak edib.

Turnirdə Azərbaycanı AccessBank-ın dəstəyi ilə İlyas Əfəndiyev adına Elitar Gimnaziyanın komandası təmsil edib.

Komanda 560 kg çəki dərəcəsində mübarizə aparıb və təşkilat komitəsi tərəfindən bürünc medalla mükafatlandırılıb.