ABŞ-ın texnologiya nəhəngi və “Google”un ana şirkəti olan “Alphabet” 100 illik istiqraz buraxmağa hazırlaşır.
Bu, 1990-cı illərin sonlarından bəri texnologiya sektorunda ilk ultra uzunmüddətli borc satışı olacaq.
BBN.az xəbər verir ki, Bloomberg-ə danışan mənbələrin məlumatına görə, 100 illik istiqraz dörd digər tranşla birlikdə funt sterlinqlə buraxılacaq. Bu, eyni zamanda Alphabet-in ilk dəfə funt sterlinqlə istiqraz satışı olacaq. Qiymətləndirmənin 10 fevralda açıqlanacağı gözlənilir.
Mütəxəssislərin fikrincə, Alphabet-in bu addımı şirkətin süni intellekt sahəsində ambisiyalarını maliyyələşdirmək məqsədi daşıyır. Bildirilir ki, Alphabet-in 2026-cı ildə kapital xərcləri 185 milyard dollara qədər arta bilər.
Süni intellekt yarışında geri qalmamaq üçün texnologiya nəhənglərinin artan maliyyə tələbatı ultra uzunmüddətli borclanma alətlərini yenidən gündəmə gətirib. Alphabet-in bu addımı bazarlarda da maraqla qarşılanıb.
