Azərbaycan Mərkəzi Bankı 3 elektron pul təşkilatının lisenziyasını ləğv edib.
Qurumun İdarə Heyətinin 13 may 2026-cı il tarixli protokolu əsasında “Ödəniş xidmətləri və ödəniş sistemləri haqqında” qanunun 54.1.1-ci maddəsinə uyğun olaraq bir sıra şirkətlərə verilmiş lisenziyalar qüvvədən düşüb.
Ləğv edilən lisenziyalar aşağıdakılardır:
- Azvvallet MMC-yə 9 aprel 2025-ci ildə verilmiş lisenziya;
- Greentek Group MMC-yə 18 sentyabr 2024-cü ildə verilmiş lisenziya;
- Guavapay MMC-yə 9 aprel 2025-ci ildə verilmiş lisenziya.
Qərardan sonra Azərbaycanda lisenziyalı elektron pul təşkilatlarının sayı 14-ə enib.