AMB: “AtaSığorta”nın aktivləri öhdəlikləri qarşılamağa kifayət edir

Ləğv prosesində olan “AtaSığorta” ASC-nin mövcud aktivlərinin onun öhdəliklərini qarşılamağa yetərli olduğu açıqlanıb.

“Report”un sorğusuna cavab olaraq Azərbaycan Mərkəzi Bankından bildirilib ki, aparılmış hesablamalara əsasən, sığorta müqavilələri portfeli “Atəşgah Sığorta” ASC-yə ötürüldükdən sonra şirkətin aktivləri bütün öhdəliklərin yerinə yetirilməsinə imkan verəcək.

Qeyd edilib ki, bu addım müştərilərin hüquqlarının qorunması və sığorta öhdəliklərinin fasiləsiz icrası baxımından əhəmiyyət daşıyır.

Xatırladaq ki, Azərbaycan Mərkəzi Bankı ötən həftə “AtaSığorta” ASC-nin fəaliyyət lisenziyasını ləğv edib.