AMB, ABA və Əlil Təşkilatları İttifaqı arasında görüş keçirilmişdir

Azərbaycan Respublikasının Mərkəzi Bankı (AMB) və Azərbaycan Banklar Assosiasiyasının (ABA) nümayəndələrinin Əlil Təşkilatları İttifaqının (ƏTİ) səlahiyyətli şəxsi ilə görüşü barədə Ölkənin maliyyə tənzimləyici qurumu olaraq əlilliyi olan şəxslərə bank xidmətləri göstərərkən ayrı-seçkiliyə yol verilməməsi istiqamətində müvafiq tədbirlərin həyata keçirilməsi AMB-ın diqqət mərkəzində duran məsələdir. AMB tərəfindən bu kateqoriyadan olan bank xidmətləri istehlakçılarına göstərilən xidmətləri təkmilləşdirmək və ayrı-seçkiliyə yol verməmək məqsədilə mütəmadi görüşlər keçirilir və monitorinqlər təşkil olunur. Bu istiqamətdə görülmüş işlər və aktual məsələlərin müzakirə olunması məqsədilə 14.02.2023-cü il tarixdə AMB və ABA nümayəndələrinin birgə iştirakı ilə ƏTİ ilə görüş keçirilmişdir. Əlilliyin dərki istiqamətində ƏTİ tərəfindən təlimlərin keçirilməsi və maarifləndirmə işlərinin aparılması, həmçinin əlil statusuna malik olan şəxslərə xidmətin göstərilməsi zamanı əlçatanlığın təmin olunması məqsədilə kredit təşkilatlarına lazımi avandanlıqlar və infrastrukturlarla bağlı layihələrin verilməsi ilə bağlı təkliflər səsləndirilmişdir.