Bir müddət əvvəl ABŞ-ın texnologiya nəhəngi Apple, illərdir haqqında danışdığımız elektrikli avtomobil layihəsini ləğv etdi. Şirkət o zamankı açıqlamalarında bu layihə üzərində işləyən komandanın süni intellekt bölməsinə yönəldiləcəyini bildirmişdi.Buna baxmayaraq, ən son məlumat Apple-ın kütləvi ixtisar etdiyini ortaya qoydu.
BBN.az Bloomberg-in məlumatına əsasən xəbər verir ki, Apple 600 işçisi ilə yollarını ayırıb. Əldə edilən məlumata görə, işdən çıxarılan bu şəxslərin bəziləri elektromobil layihəsində işləyirmiş. Digərlərinin Apple üçün ekran texnologiyaları hazırlamağa çalışan qrupa aid olduğu bildirilib. Üstəlik, Bloomberg bu rəqəmin həqiqətən daha yüksək ola biləcəyini, 600 nəfərin müəyyən edilmiş ixtisarlar olduğunu bildirib.
Əldə edilən məlumata görə, “Apple”ın kütləvi ixtisarının əsas səbəbi xərclərin həddən artıq artması və gecikmələrin olamsıdır.
