Asiya səhm bazarları çərşənbə axşamı günü artımla ticarət olunub. Qiymətli metallar bazarındakı kəskin dalğalanmalardan sonra bazarlarda nisbi sakitlik yaranıb.
Bazar əhval-ruhiyyəsinə ABŞ-da sənaye aktivliyinin kəskin artması müsbət təsir göstərib. Bu göstərici qlobal iqtisadi artımla bağlı narahatlıqları qismən azaldıb.
Eyni zamanda Avstraliya dolları Mərkəzi Bankın faiz dərəcəsini artırmasından sonra möhkəmlənib. Avstraliya Mərkəzi Bankı əsas faiz dərəcəsini 25 baza bəndi artıraraq 3,85%-ə çatdırıb.
RBA bildirib ki, inflyasiyanın hədəfdən yuxarı qalması və əmək bazarının sıx olması faiz artımını zəruri edib. Qeyd edək ki, Avstraliya bu monetar dövrdə G10 ölkələri arasında faiz artıran ilk ölkədir. Yalnız Yaponiya fərqli pul siyasəti yolu izləyir.
Regionda Hindistanla bağlı ticarət razılaşması xəbərləri də bazarlara müsbət təsir göstərib. Bu fonda Hindistan səhm bazarı və rupisi möhkəmlənib.
ABŞ-da isə investorlar AMD və Super Micro Computer şirkətlərinin birja sonrası maliyyə hesabatlarını diqqətlə izləyirlər.
