2023-cü il fevralın 2-də, cari il üçün ilk dəfə Avropa Mərkəzi Bankı əsas faiz dərəcələrini daha 0.5% artırıb və depozit faiz dərəcələrini 2.5%-ə, əsas kredit faiz dərəcələrini isə 3%-ə çatdırıb.
BBN.az Avropa Mərkəzi Bankının prezidenti Christine Lagarde-nin rəsmi LinkedIn profilinə istinadən xəbər verir ki, o, deyib ki, “mətbuat konfransında regionda 2%-lik inflyasiya hədəfinə çatmağın vacibliyini vurğuladıq. Faiz artımları da bizim hədəflərimizə çatmağa hesablanıb”.
“Qiymət təzyiqi çox güclüdür, çünki yüksək enerji qiymətləri bütün iqtisadiyyata təsir edib”, – deyə prezident mətbuat konfransında çıxışı zamanı bildirib.
Çərşənbə axşamı Avrozona ilə bağlı statistik rəqəmlər göstərib ki, regionda inflyasiya azalsa da yenə də ən yüksəkdə 8.5%-dir.
Qeyd edək ki, ekspertlər Avropa Mərkəzi Bankı tərəfindən martda daha 0.5%-lik bir artımın olacağını təxmin edirlər. Əlavə edirlər ki, bank əsas faiz dərəcələrini 3-3.5-ə çatdıracaq. 2022-ci ildə isə qurum tərəfindən ardıcıl olaraq 4 dəfə faiz artımlarına gedilmişdi. Artımlardan sonra region 2014-cü ildən bəri ilk dəfə neqativ ərazi kimi qiymətləndirilmişdi.
