0 
Avrozonaya daxil olan ölkələrdə fevral ayı üçün mövsümi olaraq tənzimlənən işsizlik 6.8% olub. Qeyd edək ki, yanvar ayında bu göstərici 6.9%, ötən ilin fevral ayında isə 8.2% olub. Avropa Birliyi ölkələri üçün isə fevral ayına olan işsizlik göstəricisi yanvar ayına nisbətdə 0.1%, ötən ilin fevral ayına nisbətdə isə 1.3% azalaraq 6.2% səviyyəsində qərarlaşıb. Bu barədə məlumat Avropa Birliyinin statistika ofisi “Eurostat” tərəfindən paylaşılıb.
Sözügedən dövr üçün ən yüksək işsizlik göstəriciləri İspaniya (12.6%) və Yunanıstanda(11.9%), ən aşağı göstərici isə Çexiyada (2.4%) qeydə alınıb.
Amerika Birləşmiş Ştatlarında isə sözügedən dövrdə işsizlik göstəricisi 4%-dən 3.8%-ə geriləyib.
