Beynəlxalq rəqəmsal ödənişlər sektorunun qadın liderləri

0

Rəqəmsal bankçılıq konsepsiyası uzun illərdir ki, bank sektorunun diqqət mərkəzində yer alan konsepsiyalardandır. Fintech innovasiyaları, ödəniş texnologiyaları, süni intellekt, analitika alətləri kimi bir çox predmeti özündə cəmləşdirən bu konsepsiya təməlində bir çox beynəlxalq şirkətlər və korporasiyalar dayanır. Bu qurumların tərəqqisində kişilər ilə yanaşı, qadın rəhbərlik nümayəndələrinin də rolu böyükdür.

“American Banker” tərəfindən tərtib edilən “Most Influential Women in Payments” araşdırmasında, ödəniş texnologiyaları üzrə fəaliyyət göstərən beynəlxalq şirkətlərin ən nüfuzlu qadın rəhbərləri yer alır. Onlar sözügedən şirkətlərə uzun illərdir ki böyük töhfələr verməklə yanaşı, koronavirus pandemiyasının geniş yayıldığı dövrdə ənənəvi sistemdən hibrid fəaliyyət növünə keçid prosesini də uğurla həyata keçirməyə nail olublar. Liderlər və onların rəhbərlik etdiyi qurumlarla aşağıdakı cədvəldən tanış ola bilərsiniz:

Adı	Vəzifəsi	Rəhbərlik etdiyi qurum	Ödəniş sektoru üzrə təcrübəsi
Cathy Beardsley	Baş İcraçı Direktor	Segpay	20 il
Kim Fitzsimmons	Baş İcraçı Direktor	Talus Pay	33 il
Valerie Greer	Baş İcraçı Direktor	Alliance Data	25 il
Paulette Rowe	Ekommersiya üzrə Baş İcraçı Direktor	Paysafe	10 il
Abeera Aguiar	Vitse-Prezident	TD Bank	18 il
Sherri Haymond	Rəqəmsal Tərəfdaşlıqlar üzrə Vitse-Prezident	MasterCard	15 il
Silvia Mensdorff	Vitse-Prezident	FIS	22 il
Rosemary Stack	Korporativ Ödənişlər üzrə Vitse-Prezident	Bank of America	30 il
Mary Uslander	Vitse-Prezident	Fiserv	8 il
Attie Muse	Ödəniş Strategiyaları üzrə Direktor	Verizon	15 il
Aleksandra Teichman	Baş Direktor	Cross River Bank	15 il
Gali Heichal	Tərəfdaşlıqlar üzrə Direktor	Klarna	14 il

Məlumat üçün qeyd edək ki, “Wealth-X” analitika şirkəti tərəfindən aparılan araşdırmalara əsasən, 2021-ci ildə ümumi 2755 milyarderin 11.9%-ini qadınlar təşkil edir. Dünyanın ən zəngin qadın biznesmeni isə 71.4 milyard dollarlıq sərvət ilə Francoise Bettencourt Meyers olub.