Azərbaycan və Avstriya qarşılıqlı investisiya qoyuluşunu kəskin artırıblar

Bu ilin I rübündə Azərbaycan Avstriya iqtisadiyyatına 28,95 milyon ABŞ dolları investisiya yatırıb.

BBN.az Azərbaycan Mərkəzi Bankına (AMB) istinadən xəbər verir ki, bu, ötən ilin eyni dövrü ilə müqayisədə 295,4dəfə çoxdur.

Hesabat dövründə Azərbaycanın Avstriyanın iqtisadiyyatına investisiya qoyuluşunun ümumi investisiyalarda payı 8,8 % olub.

Yanvar-mart aylarında Avstriya isə Azərbaycan iqtisadiyyatına27,2 milyonn ABŞ dolları investisiya yatırıb. Bu isə 1 il əvvələ nisbətən4,1 dəfə çoxdur.

İl ərzində Avstriyanın Azərbaycanın iqtisadiyyatına investisiya qoyuluşunun ümumi investisiyalarda payı 0,4 %-dən 1,8 %  1-ə qalxıb.