Böyük Britaniyanın səhm bazarı Avropanın ən dəyərli səhm bazarı mövqeyini itirib. Yeni data göstərib ki, Fransa birinci mövqeyi əldə edib.
BBN.az BBC Business-ə istinadən xəbər verir ki, Bloomberg-in yeni data-sına görə, zəif funt sterlinq, Böyük Britaniyada iqtisadi tənəzzül ilə bağlı qorxular və Fransanın lüks məhsullarının satışlarının artması dəyişikliyin əsas səbəbləri sırasındadır.
Qeydlərin aparılmağa başladığı 2003-cü ildən bəri ilk dəfə Paris Londonun Avropanın səhm bazarındakı TOP 1 mövqeyini əldə edib.
Bloomberg-in hesablamalarına, əsasən hazırda Britaniyanın səhmlərinin dəyəri 2.821 trilyon dollardır, yaxud 2.3 trilyon funt sterlinq, Fransa üzrə isə bu 2.823 trilyon dollardır.
Məşhur dəb brendi Louis Vuitton-a sahib olan LVMH-in səhmlərinin dəyəri son 6 ayda 22% yüksəlib, Hermès-də isə bu 37%-dir.