BMI: Hindistan istehlakçı bazarına görə 3-cü ən böyüyü olacaq

Hindistanın istehlakçı bazarı 2027-ci ilə qədər ABŞ və Çindən sonra 3-cü ən böyüyü olacaq.  

BBN.az CNBC Business-ə istinadən xəbər verir ki, bu haqda BMI-ın yeni hesabatında qeyd edilib. Buna səbəb isə çox sayda ortatəbəqəli ailələrin və gənclərin sayının artmasından qaynaqlanır. BMI proqnoz edir ki, ölkə əhalisinin təxminən 33%-i 20 və 33 yaş arasında olacaq və onlar elektronik məhsullara daha çox xərcləmələr edəcəklər.  

Nəşr yazır ki, ölkənin davam edən urbanizasiya prosesi istehlakçı xərcləmələrinin artımına dəstək olur və şirkətlər müştərilərə daha asan əlçatandır və onların ehtiyaclarına cavab vermək üçün daha çox fiziki mağazalar açırlar. Hazırda ölkə adıçəkilən sahə üzrə renkinqdə 5-cidir. 

Qeyd edək ki, BMI proqnoz edir ki, 2027-ci ilə qədər Hindistanda istehlakçı xərcləri 3 trilyon dolları aşacaq.