Böyük Britaniyanın Baş naziri Ukraynaya maliyyə yardımı ilə bağlı rəqəm açıqladı

0

İndoneziyanın Bali adasında təşkil edilən G20 (Ukrayna müharibəsindən dolayı Rusiya prezidenti bu il sammitdə iştirak etməyib-red.) ölkələrinin sammitində İngiltərənin Baş naziri Rishi Sunak da iştirak edib.

BBN.az Sky News-a istinadən xəbər verir ki, Baş nazir gündəlikdə olan Rusiya-Ukrayna müharibəsi haqqında sammitdə çıxışı zamanı Rusiyanın nümayəndəsinə bildirib ki, onlar Ukraynadan çıxmalı və barbar müharibəni sona çatdırmalıdırlar. 

O, Rusiya prezidenti Vladimir Putinin özünün sammitdə olmaması məsələsini tənqid edərək əlavə edib ki, Ukraynanı bu müharibədə dəstəkləməyə davam edəcəklər. 

Baş nazirin sözlərinə, əsasən o, Maliyyə naziri olan zaman Ukraynaya 4.1 milyard funt sterlinq maliyyə yardımı edilməsinə nail olub. Onlardan 2.3 milyard funt sterlinqi isə hərbi yardım olub. O, 2023-cü ildə də eyni miqdarda maliyyə yardımı edilməsinə dair söz verib.