Bu gün Amerika Mərkəzi Bankı uçot faiz dərəcəsi ilə bağlı qərarını açıqlayacaq

Dekabrın 12-13-də Amerika Mərkəzi Bankının (FED) uçot faiz dərəcəsi ilə bağlı qərarını açıqlayacağı iclası olacaq.

BBN.az CNBC Business nəşrinə istinadən xəbər verir ki, çərşənbə, yəni bu gün FED özünün iqtisadi inkişaf, inflyasiya, işsizlik ilə bağlı proqnozlarını yeniləyəcək. Eyni zamanda ənənəvi olaraq görüşdən sonra FED-in sədrinin jurnalistlər üçün nəzərdə tutulan mətbuat konfrası da olacaq.

Qeyd edək ki, ekspertlərin bugünkü görüş ilə bağlı gözləntiləri o yöndədir ki, FED sədri uçot faiz dərəcəsində cüzi artıma gedəcək, yaxud da hazırkı faiz dərəcələrini saxlayacaq. Bildirək ki, hazırda FED-in uçot faiz dərəcəsi 5.25-5.50 civarındadır, gözlənti isə 5.33-dür.