Bu gün Avropa Mərkəzi Bankı mətbuat konfransı təşkil edəcək

0

Analitiklərin daha öncədən də xəbər verdiyi kimi dekabrın 14-də ABŞ-ın Mərkəzi Bankının (FED) faiz artımı qərarından sonra Avropa Mərkəzi Bankının da dekabrın 15-də iclasının nəticələrini paylaşacağı gözlənilir.

BBN.az Reuters-ə istinadən xəbər verir ki, bu gün Avropa Mərkəzi Bankının prezidenti Christine Lagarde mətbuat konfransında çıxış edəcək. 

Ekspertlərin gözləntilərinə əsasən tənzimləyici FED kimi 0.50%-lik bir artıma gedəcək və bu il üçün bankın 4-cü qərarı olacaq. Eyni zamanda, FED kimi Avropa Mərkəzi Bankının da investorlara faiz artımlarının davam edəcəyinin siqnalını verəcəyi və inflyasiya ilə mübarizənin ciddi bir hal olduğunu bildirəcəyi və inflyasiya göstəricilərinin tənzimləyicinin 2%-lik hədəfindən 2025-ci ilə qədər yuxarı olacağını qeyd edəcəyi gözlənilir.

Qeyd edək ki, Christine Lagarde bu gün qərarını Bakı vaxtı ilə saat 17:15-də açıqlayacaq.