Fərid Baxşıyev Azərbaycan Respublikası Maliyyə Nazirliyi yanında Dövlət Müəssisələrinin Monitorinqi Agentliyinin direktoru vəzifəsinə təyin edilib.
F.Baxşıyev 1977-ci ildə anadan olub. O, Azərbaycan Dövlət İqtisad Universiteti-də biznesin idarə olunması üzrə bakalavr və biznes inzibatçılığı üzrə magistr təhsili alıb. Həmçinin Böyük Britaniyanın University of Reading universitetində inkişafın maliyyələşdirilməsi ixtisası üzrə magistr dərəcəsinə yiyələnib.
Əmək fəaliyyətinə 1998-ci ildə Maliyyə Nazirliyində Xarici iqtisadi əlaqələr və xarici borcların idarə olunması departamentində baş iqtisadçı kimi başlayan F.Baxşıyev sonrakı illərdə Azərbaycan Mərkəzi Bankı-nın Beynəlxalq əlaqələr şöbəsinin direktoru, World Bank-da ölkə üzrə iqtisadçı, Azərbaycan Dəmir Yolları QSC-də İnvestisiya şöbəsinin rəisi, eləcə də KPMG Azərbaycan və digər özəl konsaltinq şirkətlərində rəhbər vəzifələrdə çalışıb.
Xatırladaq ki, Dövlət Müəssisələrinin Monitorinqi Agentliyi Azərbaycan Respublikası Prezidentinin 30 dekabr 2025-ci il tarixli fərmanı ilə yaradılıb və qurumun Əsasnaməsi təsdiq edilib.
Agentlik dövlət mülkiyyətində olan, həmçinin nəzarət zərfi dövlətə məxsus hüquqi şəxslərin və dövlət adından yaradılan publik hüquqi şəxslərin illik və ortamüddətli büdcə layihələrinin və proqnozlarının monitorinqini həyata keçirir. Bununla yanaşı, qurum illik gəlir və xərc smetalarının icra vəziyyətini təhlil edən və müvafiq göstəriciləri qiymətləndirən Azərbaycan Respublikası Maliyyə Nazirliyi strukturuna daxil olan qurumdur.
