Maliyyə Savadlılığı ayı çərçivəsində “FinLit” adlı vebinar keçirilmişdir

1

31 oktyabr Beynəlxalq Əmanət Günü, həmçinin noyabr ayı Maliyyə Savadlılığı ayıdır. Bununla əlaqədar olaraq, Azərbaycan Respublikasının Mərkəzi Bankı, Azərbaycan Banklar Assosiasiyası (ABA), Almaniya Əmanət Banklarının Beynəlxalq Əməkdaşlıq Fondunun birgə təşkilatçılığı ilə müxtəlif tədbirlər təşkil edilmişdir. Bu tədbirlərdən çərçivəsində Almaniya Əmanət Banklarının Beynəlxalq Əməkdaşlıq Fondunun təşkilati dəstəyi ilə 27 noyabr 2020-ci il tarixində “FinLit” adlı vebinar keçirilmişdir

Vebinar çərçivəsində aşağıdakı mövzulara toxunulmuşdur:

1. Azərbaycanda maliyyə savadlılığı üçün maliyyə təhsili
2. Maliyyə Savadlılığı Alman Əmanət Kassaları Maliyyə Qrupunda

Vebinarın təqdimatı Celia Allaby və Stefanie Zahrte tərəfindən keçirilmşdir. Sonda mövzu üzrə müzakirələr aparılmış və iştirakçıların sualları cavablandırılmışdır.

Qeyd edək ki, ABA 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 25 bank və 4 qeyri-bank təşkilatı ABA-nın üzvüdür.