Gəncə şəhərində 18 işəgötürənin iştirakı ilə əmək yarmarkası keçirilib

Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən bölgələrdə əmək yarmarkalarının təşkili davam etdirilir.

Bu dəfəki aktiv məşğulluq tədbiri Gəncə-Daşkəsən Regional Məşğulluq filialı tərəfindən Gəncə şəhərində keçirilib.

Tədbirdə Məşğulluq filialı, Gəncə şəhər İcra Hakimiyyəti, YAP Gəncə şəhər Təşkilatı, Gəncə Regional Turizm İdarəsi, KOBİA Gəncə-Qazax regional koordinatorluğunun nümayəndələri və işəgötürənlər iştirak edib.

Yarmarkada 18 müəssisə iştirak edib və 156 vakansiya təqdim edilib.

İşəgötürənlər tərəfindən vakansiyalara müraciət edən şəxslərin CV-ləri qəbul edilərək nəzərdən keçirilib, uyğun namizədlər növbəti mərhələyə dəvət olunacaqlar.