Gömrük rüsumları üzrə daxilolmalar artıb

Bu ilin yanvar-avqust aylarında Azərbaycanın dövlət büdcəsinə gömrük daxilolmaları 4 milyard 931,199 milyon manat təşkil edib.

BBN.az Dövlət Gömrük Komitəsinə (DGK) istinadən xəbər verir ki, bu, ötən ilin eyni dövrü ilə müqayisədə 4,8% çoxdur.

O cümlədən, son 1 ildə gömrük rüsumları üzrə daxilolmalar 28,6% artaraq 1 milyard 556,862 milyon manat, əlavə dəyər vergisi (ƏDV) üzrə daxilolmalar 3% azalaraq 3 milyard 194,85 milyon manat, aksizlər üzrə daxilolmalar 11,2% azalaraq 148,82 milyon manat, yol vergisi üzrə daxilolmalar isə 7,9% azalaraq 30,667 milyon manat olub.