İqtisadi “think tank”dan Böyük Britaniya ilə bağlı yeni proqnoz

“2023-cü ildə ola bilər ki, Böyük Britaniya iqtisadi tənəzzül risklərini arxada qoysun”.

BBN.az BBC Business-ə istinadən xəbər verir ki, iqtisadi “think tank”, yaxud Milli İqtisadi və Sosial Tədqiqatlar İnstitutundan (Niesr) bildirilib ki, iqtisadiyyat yavaş şəkildə inkişaf edəcək, baxmayaraq ki yüksək qiymətlər ailələrin büdcələrinə təsir edib. 

Tənəzzülün mənası odur ki, iqtisadiyyat 2 ardıcıl 3 ay periodunda azalır. Tipik olaraq şirkətlər daha az qazanır, iş yerləri azalır və hökumətin vergi qazancları aşağı enir. Niesr-dən bildirilib ki, iqtisadiyyat 2023-cü ildə 0.2% və 2024-cü ildə isə 1% inkişaf edəcək. Bu isə digər, məsələn “Bank of England”ın – Mərkəzi Bankın cari il iqtisadi proqnozları ilə müqayisədə daha optimistik mənzərə yaradır. 

Həmçinin Niesr xəbərdarlıq edərək əlavə edir ki, yaşam xərclərinin yüksəlməsi hələ də bir çox bölgələrdə milyonlarla ailələr üçün iqtisadi tənəzzül mənasına gələcək.