KOBİA Rusiya-Azərbaycan və Azərbaycan-Rusiya İşgüzar Şuralarının iclasında təmsil olunub

0

Aprelin 26-da Azərbaycan-Rusiya və Rusiya-Azərbaycan İşgüzar Şuralarının növbəti iclası keçirilib.

Hər iki ölkədən dövlət rəsmilərinin və iş adamlarının iştirakı ilə təşkil olunmuş onlayn iclasda Azərbaycan və Rusiya arasında iqtisadiyyatın müxtəlif sahələrində, o cümlədən kiçik və orta biznes (KOB) sahəsində mövcud əlaqələrə və əməkdaşlıq perspektivlərinə dair fikir mübadiləsi aparılıb. 

İclasda Kiçik və Orta Biznesin İnkişafı Agentliyi (KOBİA) də təmsil olunub. Tədbirdəki çıxışında KOBİA-nın İdarə Heyətinin sədri Orxan Məmmədov KOB sahəsində Agentliyin Rusiyanın müvafiq qurumları ilə əməkdaşlığı, keçirilən birgə tədbirlər barədə məlumat verib, Agentliyin KOB sahəsində 

yeni tərəfdaşlıq əlaqələrinin qurulmasında maraqlı olduğunu vurğulayıb. Qeyd olunub ki, Agentlik ölkəmizə investisiya qoyuluşunda, yerli tərəfdaşın tapılmasında və Azərbaycanın KOB subyektləri ilə əməkdaşlığın genişləndirilməsində maraqlı olan Rusiya şirkətlərinə KOB inkişaf mərkəzləri (KOBİM-lər), “KOB Dostu” şəbəkəsi və KOB evləri vasitəsilə, eləcə də mövcud dəstək mexanizmləri çərçivəsində dəstək göstərə bilər.