Aİ-nin ötən il ABŞ ilə əldə etdiyi ticarət razılaşmasının müddəaları 1 iyulda qüvvəyə minəcək.
BBN.az xəbər verir ki, Aİ ilə ABŞ arasında ticarət sazişini qanuni olaraq həyata keçirən əsas tənzimləmə Aİ-nin Rəsmi Jurnalında dərc edilib.
Buna uyğun olaraq, sabahdan etibarən Aİ ABŞ istehsalı olan çoxsaylı sənaye məhsullarına tətbiq etdiyi tarifləri qaldıracaq.
Bundan əlavə, ABŞ-dan idxal edilən müxtəlif kənd təsərrüfatı və dəniz məhsulları üçün güzəştli bazar çıxışı təmin ediləcək.
Hazırda Aİ-ABŞ ticarət müqaviləsi 31 dekabr 2029-cu ilə qədər qüvvədədir.
Sazişə həmçinin Aİ-nin iqtisadi maraqlarını qorumaq üçün müxtəlif təminat mexanizmləri daxildir. ABŞ ticarət sazişi üzrə öhdəliklərini yerinə yetirməsə, Aİ təqdim etdiyi tarif güzəştlərini dayandıra bilər.
Lazım gələrsə, Aİ Komissiyası tərəfindən aparılan hərtərəfli qiymətləndirmədən sonra tənzimləmənin müddətini uzatmaq üçün yeni qanunvericilik təklifi hazırlanacaq.
Aİ ilə ABŞ arasında ticarət sazişi danışıqları 2025-ci ilin iyul ayında ABŞ prezidenti Donald Trampa məxsus Şotlandiyadakı Turnberry qolf meydançasında başa çatıb.
Sazişə əsasən, Aİ ölkələri ABŞ məhsullarına tarif tətbiq etməmək barədə razılığa gəliblər, ABŞ isə Aİ məhsullarına 15 faiz tarif tətbiq edəcək.
