Azərbaycan Mərkəzi Bankı (AMB) faiz dəhlizinin parametrləri ilə bağlı növbəti qərarını 2026-cı il aprelin 2-də açıqlayacaq.
BBN.az bu barədə AMB-yə istinadən xəbər verir.
AMB bildirir ki, faiz dəhlizinə dair qərar hazırlanarkən proqnozlaşdırılan və faktiki inflyasiya göstəricilərinin dinamikası, eləcə də aparılan makroiqtisadi təhlillərin nəticələri əsas götürüləcək. Qurum əlavə edib ki, qiymət sabitliyinin təmin olunması məqsədilə mövcud bütün alətlərdən istifadə edilməkdə davam ediləcək.
Xatırladaq ki, cari ilin fevralın 4-də Mərkəzi Bankın İdarə Heyətinin qərarı ilə faiz dəhlizinin bütün parametrləri 0,25 faiz bəndi aşağı salınmışdı. Nəticədə uçot dərəcəsi 6,5%, faiz dəhlizinin aşağı həddi 5,5%, yuxarı həddi isə 7,5% səviyyəsinə endirilmişdi.
