“Mastercard” və “Nexo” yeni növ ödəniş kartı istifadəyə verir

Kriptovalyuta sahəsində fəaliyyət göstərən “Nexo” şirkəti beynəlxalq ödəniş kartı sxeması “Mastercard” ilə yeni tərəfdaşlıq layihəsi çərçivəsində kriptovalyuta dəstəkli ödəniş kartı istifadəyə verir. İlkin mərhələdə, bir sıra Avropa ölkələrində istifadəyə verilən bu kart vasitəsilə istehlakçılara “bitcoin” kimi bir sıra rəqəmsal aktivləri kart hesablarında saxlamağa və onlar ilə ödənişlər həyata keçirməyə imkan tanınacaq.

Qeyd edək ki, bundan əvvəl digər beynəlxalq ödəniş texnologiyaları şirkəti “Visa”, baş ofisi Palo Alto şəhərində yerləşən və kredit kartları üzrə mobil və rəqəmsal həllər, eləcə də risk menecmenti xidmətləri təklif edən “Deserve” maliyyə texnologiyaları şirkəti ilə tərəfdaşlıq çərçivəsində şirkətlərin ortaq layihəsi olan “Visa BlockFi” kriptovalyuta kartının istifadəyə verilməsini açıqlayıb.