![](https://bbn.az/wp-content/uploads/2024/10/1729485447346.jpg")
2
Moody’s Ratings beynəlxalq reytinq agentliyi Xalq Bankın 2023-cü il üzrə
fəaliyyətinin nəticələrini təhlil edərək kredit ödəmə qabiliyyətinin baza səviyyəsini
(Baseline Credit Assessments) b1 səviyyəsinə yüksəldib.
Moody’s Ratings Bankın reytinq üzrə proqnozu “stabil” olmaqla yerli və xarici
valyutada uzunmüddətli depozit reytinqini Ba3 səviyyəsinə, yerli və xarici
valyutada qısamüddətli və uzunmüddətli kontragent risk reytinqini (CR
Assessments) Ba2/NP səviyyəsinə yüksəldib.
Moody’s Ratings ekspertləri BCA b1 qiymətləndirməsini ehtiyatdan öncə sağlam
gəlir yarada bilmə qabiliyyəti, 2023-cü ilin sonuna 16.1%-lik TCE/RWA göstəricisi
ilə güclü kapital mövqeyini təmin etməsi, sabit depozit portfeli və aşağı bazar
asılılığı ilə formalaşmış güclü maliyyələşmə profili, həmçinin yuxarı likvidlik buferi
(2023-cü ilin sonunda aktivlərin 24%-i) ilə əlaqələndirir.
Hesabatda yerli və xarici valyutada uzunmüddətli depozit reytinqi üzrə Ba3
göstəricisi Bankın kredit və depozit üzrə iri bazar payına malik olması ilə
əsaslandırılır.
Agentlik hesabatda Xalq Bankın uzunmüddətli depozit reytinqləri üzrə növbəti 12-
18 ay ərzində sağlam əsaslarını qoruyub saxlayacağı istiqamətində müsbət
gözləntilərini əks etdirir.
Qeyd edək ki, bu il 20 illiyini qeyd edən ölkənin aparıcı banklarından olan Xalq
Bank 2024-2026-cı illər üçün müəyyənləşdirdiyi İnkişaf Strategiyasının icrasını
davam etdirir. 3 il ərzində Bank yüksək korporativ idarəetmə standartı tətbiq edən
müştəri yönümlü, universal və texnoloji bank olmaqla bazarda sağlam və davamlı
böyüməni hədəfləyir.
Xalq Bankın məhsul və xidmətləri barədə məlumatları Bankın filial
şəbəkəsindən, https://www.xalqbank.az/ rəsmi internet səhifəsindən, 138 Çağrı
mərkəzindən, həmçinin müxtəlif sosial şəbəkə səhifələrindən əldə etmək olar.
