Narahatlıqlara rəğmən Avropada təbii qazın qiymətləri enib

Bu gün səhər Avropada (Almaniya və Böyük Britaniya) təbii qazın qiymətləri Avstraliyada LNG qazı istehsalçı zavodlarda tətillərin baş vermə qorxularına və Norveç-dən təchizatın azalmasına rəğmən zəif tələbdən dolayı enib. 

BBN.az Yahoo Finance-yə istinadən xəbər verir ki, Almaniya oktyabr müqavilələri üzrə qiymətlər hər meqavatt saata görə 0.50 avro enərək 33.20 avroya çatıb. Britaniya bazarında oktyabr müqavilələri üzrə qiymətlər isə 1.03 penni enib. Nəşr yazır ki, ancaq hələ də alternativ tədarükçülər tapılmayıb və Avropanın təbii qaz təchizatı ilə bağlı yeni müqavilələr yoxdur.  

Qeyd edək ki, rəsmi rəqəmlərə əsasən Avropanın təbii qaz ehtiyatı 93%-dən çoxdur. Eyni zamanda əlavə edilir ki, Avropada yüksək temperaturdan dolayı tələb aşağı enib.