Nazirlər Kabineti çoxmənzilli yaşayış binalarında fərdi istilik sistemlərinin quraşdırılmasına icazə verilən halları təsdiqləyib.
Bununla bağlı qərarı Baş nazir Əli Əsədov imzalayıb.
Qərara əsasən, çoxmənzilli yaşayış binaları layihələndirilərkən hər bir mənzil üzrə fərdi istilik sistemlərinin quraşdırılmasına yalnız müəyyən hallarda icazə veriləcək. Bu hallara binanın azmərtəbəli olması (5 mərtəbəyə qədər), binanın yerləşəcəyi ərazi üçün qaz təchizatının nəzərdə tutulmaması, həmçinin mənzillərdə istilik təchizatının fərdi qaydada bərpa olunan enerji mənbələri hesabına təmin olunmasının planlaşdırılması daxildir.
Qərar yaşayış binalarında enerji səmərəliliyinin artırılması və alternativ enerji mənbələrindən istifadənin təşviq olunmasına yönəlib.