11 
Azərbaycanın aparıcı banklarından olan “Paşa Bank”ın səhmlərinin bir hissəsi İlkin Kütləvi Təklif (IPO) üsulu ilə investorlara təqdim olunacaq.
BBN.az FED.az-a istinadən xəbər verir ki, bankın kapitalının 5 %-i həcmində – 932 926 ədəd səhm əhaliyə satılacaq.
Bankın İdarə Heyətinin sədri Cavid Quliyev bildirib ki, səhmlərin satışında əsas məqsəd maliyyə dayanıqlılığının gücləndirilməsi, şəffaflığın artırılması və kapital bazarının inkişafına dəstək verməkdir.
Qeyd edək ki, 2025-ci ildə “Paşa Bank”ın xalis mənfəəti azalıb. Bank ötən ili 148 milyon manat xalis mənfəətlə başa vurub ki, bu da 2024-cü illə müqayisədə 62 milyon manat və ya 30 % azdır.
Xatırladaq ki, ölkədə səhmlərini əhaliyə təklif edən ilk bank Azərbaycan Beynəlxalq Bankı olub.
