“PAŞA Sığorta”da növbədənkənar ümumi yığıncaq keçiriləcək.
BBN.az xəbər verir ki, bu barədə sığorta şirkəti məlumat verib. Qeyd edilib ki, səhmdarlarının yığıncağı iyun ayının 3-də ASC-nin Bakı şəhəri, Səbail rayonu, Mikayıl Useynov prospekti 61 (“Sahil Plaza” biznes mərkəzi) ünvanında yerləşən inzibati binasında baş tutacaq.
Yığıncağın gündəliyinə Cəmiyyətin Direktorlar Şurası üzvlərinin təyinatı və digər təşkilati məsələlər daxil edilib. Gündəlikdə nəzərdə tutulmuş məsələlərlə bağlı materiallar səhmdarların elektron poçt ünvanlarına göndəriləcəkdir.
Yaranan əlavə suallarla əlaqədar olaraq office@pasha-insurance.az elektron poçt ünvanına müraciət etməyiniz xahiş olunur.