Qlobal bazarlarda diqqət yenidən qızıla yönəlib. Dörd sessiya ardıcıl yüksəlişdən sonra qızıl qiymətləri mənfəət realizasiyası fonunda geriləyib. Spot qızıl 1.1% ucuzlaşaraq 5 172 dollar/uns səviyyəsinə düşüb. ABŞ qızıl fyuçersləri isə 0.6% azalaraq 5 193 dollar/uns olub.
Qeyd edək ki, sarı metal əvvəlki sessiyada 2.5% sıçrayış edərək yanvarın sonundan bəri ən yüksək səviyyəni test etmişdi. ABŞ Dollar İndeksi zəif başlanğıcdan sonra 0.1% yüksəlib. Dolların möhkəmlənməsi qızılı digər valyuta sahibləri üçün daha bahalı edir və bu da qiymətlərə təzyiq göstərir. Eyni zamanda gümüş qiymətləri də təxminən 2% geriləyərək 86.55 dollar/uns olub. Keçən həftə ABŞ Ali Məhkəməsi əvvəlki genişmiqyaslı tarifləri ləğv etsə də, Prezident Donald Trump administrasiyası 15%-ə qədər yeni rüsumlar tətbiq edəcəyini açıqlayıb. Tramp bildirib ki, ABŞ-la ticarət sazişlərində “oyun oynayan” ölkələr daha yüksək tariflərlə üzləşəcək. Bu isə, qlobal iqtisadi artım üçün risk yaradır, inflyasiya narahatlıqlarını artırır, təhlükəsiz liman aktivlərinə marağı canlı saxlayır. Geosiyasi Risklər Də Masadadır. Bu həftə ABŞ və İran arasında Cenevrədə növbəti nüvə danışıqları planlaşdırılır. Regionda hərbi gərginliyin qalması bazarda risk faktorunu yüksək saxlayır. Qızıldakı bu geriləmə daha çox mənfəət realizasiyası kimi qiymətləndirilir. Çünki:
✔ Tarif qeyri-müəyyənliyi davam edir
✔ Geosiyasi risklər qalır
✔ Dollar tam güclü trendə keçməyib
Əgər ticarət müharibəsi dərinləşərsə, qızıl yenidən rekordlara doğru hərəkət edə bilər.
