Qlobal inflyasiya renkinqi

0

ABŞ-ın Mərkəzi Bankının (FED) ardıcıl faiz artımı qərarlarından sonra, ölkədə benzinin qiyməti 4 dollardan aşağı düşüb, bankın prezidenti Jerome Powell ötən gün açıqlamasında isə demişdir ki, inflyasiya ilə mübarizə aparmaq üçün yeni faiz artımı gözlənilir. Dünyanın ən güclü iqtisadiyyatının olduğu ABŞ-da inflyasiya 8.5%-dir.

Səudiyyə Ərəbistanı ilə bağlı proqnozlar isə müsbətdir. “The Economist” nəşri özünün hazırladığı video məlumatda deyib ki, Ukrayna-Rusiya müharibəsi fonunda bu ölkə neft və təbii qaz ilə bağlı digər ölkələrə ən yaxşı tərəfdaş kimi görünür. Məsələn, International Monetary Fund-ın (IMF) hesabatına, əsasən 2022-ci ildə Səudiyyə Ərəbistanı dünyanın ən sürətlə böyüyən iqtisadiyyatına malik olan ölkələrindən biri olacaq. Burada Ümumi Daxili Məhsul (ÜDM) 7.6%-ə qədər böyüməsi gözlənilir. Elə buna görə də hazırda Səudiyyə Ərəbistanında inflyasiya 2.7%-dir. Ötən həftə Çinin Mərkəzi Bankı əsas bir illik kredit faiz dərəcələrini 5 baza bəndi azaldaraq 3.65%-ə, 5 illik faiz dərəcələrini isə 15 baza bəndi azaldaraq 4.3%-ə çatdırmışdı. İnflyasiya dərəcəsi Səudiyyə Ərəbistanı ilə eni 2.7%-dir.

Böyük Britaniyada da inflyasiya ilə mübarizə hökumətin 1 nömrəli prioritetlərindən biri hesab edilir, ancaq Milli Statistika Komitəsi özünün açıqladığı məlumatda bildirmişdi ki, ölkədə illik inflyasiya 10.1%-dir.

Rusiya və Ukrayna müharibəsi bir çox ölkələr üçün müsbət tərəfi olsa da, Avrozona regionu üçün bunu demək olmur. Avrozonada inflyasiya 8.9%-dir. Regionda baş verən müharibə ən çox Avropa İttifaqı (Aİ) ölkələrinə təsir etməkdədir və ən yüksək inflyasiya rəqəmləri də buradadır.
Rəqəmləri tərtib edən isə tədqiqatçı Charlie Bilello-dur. Digər rəqəmləri isə aşağıdakı renkinqdən izləyə bilərsiniz.